Þetta sniðuga sett frá þýska merkinu Bauspiel inniheldur 20 gimsteinakubba, 5 gluggakubba og 20 litríka gagnsæja teninga. Gimsteinakubbarnir eru rétthyrningslaga kubbar í góðri stærð. Hver kubbur er með 2 fallegum, glitrandi gimsteinum á annari hliðinni. Gimsteinarnir eru í 10 mismunandi litum sem gerir þessa kubba svo ótrúlega fallega og skemmtilega.
Gluggakubbarnir eru í 5 mismunandi litum, þeir eru frábærir til að uppgötva ljós og liti. Veröldin litast ef horft er í gegnum þá og veröldin margfaldast einnig þar sem það er “kaleidoscope effect” þegar horft er í gegn. Eins og að horfa í kviksjá. Þegar sólin skín á kubbana þá lita þeir gólfið fallega með litum sínum. Litríku, gagnsæu teningarnir eru ótrúlega skemmtilegir og hægt að nota þá á ótal vegu.
Þetta veglega sett er ótrúlega vandað og kubbarnir allir eru algjört listaverk. Frábær viðbót við hverskyns kubbasett eða önnur leikföng úr opnum efnivið og hægt að nota þá í allskonar leik.
Kubbarnir koma í flottum viðarkassa.
Stærð á gimsteinakubbum: 10 x 5 x 2.5cm,
stærð á gluggakubbum: 5 x 5 x 2.
stærð á teningum: 2.5 cm
stærð á viðarkassa: 28.5 x 26.5 x 6 cm
Hentar best fyrir 3 ára +
Bauspiel viðarleikföngin eru ótrúlega vönduð, CE vottuð og örugg fyrir börnin.
