Veglegt 101 stykkja sett með 100 gagnsæum akríl kubbum í öllum regnbogans litum og veglegum speglabakka úr viði. Kubbarnir eru eins og kristal gersemar sem börnin geta notað á ýmsan hátt og leyft ímyndunaraflinu að stjórna för. Kubbarnir eru með mjúkri áferð og eru þægilegir viðkomu og einnig fallegir að horfa á. Kubbarnir koma í 10 mismunandi litum og þegar kubbarnir eru í speglabakkanum þá varpar spegillinn birtu í gegnum þá sem gerir leikinn enn meira spennandi í augum barnanna.
Þetta sett er sniðugt til að litaflokka, telja, læra um liti, byggja, búa til munstur með kubbunum, hægt að æfa sig í að leggja saman og draga frá með því að nota kubbana og svo er speglabakkinn einnig sniðugur í allskyns leik. En umfram allt er hægt að nota þetta leikfang í hvað sem börnunum dettur í hug því það er svo opið og gefur börnunum tækifæri á að leyfa ímyndunaraflinu að blómsta.
Þegar börnin handleika kubbana þá myndast skemmtileg hljóð þegar þeir skella saman og þeir grípa birtu á svo fallegan hátt svo það er hægt að láta sólarljós skína á þá eða setja þá á ljósaborð og sjá hvernig litirnir bregðast við.
