sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur
sawdust & rainbows Wee'un pikler þríhyrningur

sawdust & rainbows Wee'un pikler þríhyrningur

37.990 ISK

Þessi veglegi, CE vottaði Wee'un/pikler þríhyrningur frá Sawdust & Rainbows er svo sniðugt leikfang og er ávísun uppá margra ára leik fyrir litla fólkið. Piklerinn+rennibraut saman er vottað til að þola allt að 100 kg.
Þetta leikfang hefur óendanlega möguleika, börn geta notað þetta frá ca 10 mánaða aldri og uppúr, eldri börn elska þetta ekki síður en þau yngri. Börn geta byrjað á að æfa sig að standa upp með þessu, þau æfa sig svo hægt og rólega að klifra og svo renna sér með rennibrautinni sem hægt er að kaupa sér sem við mælum með að gera því það eykur möguleikana mikið. Hægt er að stilla hæðina á rennibrautinni svo það henti fyrir viðeigandi aldur.

Þessi svokallaði Wee'un er smíðaður eftir hönnun Dr. Emmi Pikler sem var barnalæknir á miðri síðustu öld, hún var þekkt fyrir rannsóknir sínar á náttúrulegum hreyfiþroska barna og það er einmitt það sem þetta leikfang stuðlar að. Börn þurfa tíma til að kynnast þríhyrningnum og kanna möguleika hans á sínum hraða, okkar reynsla er sú að börn öðlast mikið sjálfstraust þegar þau fá frelsi til að nota þríhyrningin á sínum forsendum og þannig finna þau nýjar leiðir til að nota hann og geta gert flóknari hluti með tímanum. Börn virðast aldrei fá leið á þríhyrningnum og er þetta oft mest notaða leikfangið á heimilinu til lengri tíma. Þetta er því frábær fjárfesting og það er dásamlegt að fylgjast með barni nota þetta leikfang og sjá hvernig möguleikarnir þróast með tímanum. Fyrir utan það að klifra og renna að þá hefur mörgum dottið í hug að setja teppi yfir þríhyrninginn og gera hús eða tjald og er þetta því einnig frábært leikfang fyrir ímyndunaraflið. Rimlarnir eru extra þykkir miðað við aðra piklera svo það er þægilegra að stíga á þá og standa á þeim til lengri tíma, einnig eru þeir því mjög sterkir, það var hugsað út í öll smáatriði þegar þessi pikler var hannaður.

Það er mjög auðvelt að leggja þríhyrninginn saman svo það fer lítið fyrir honum þegar hann er ekki í notkun. Þessi pikler uppfyllir alla staðla og er CE vottaður og öryggisprófaður. Það má nota hann úti en ekki skilja hann þar eftir heldur taka hann inn eftir notkun.

Hægt er að nota Piklerinn frá fæðingu og uppí 50kg án rennibrautar og uppí 100 kg með rennibraut. Hönnunin á piklernum mjög sterk og þolir allt að 250 kg (samkvæmt framleiðanda) en hinsvegar til að fá CE vottun þá eru varúðarráðstafanir gerðar með þyngdartakmarkanir uppá að pikler falli ekki á hliðina og miðast það við 50 kg og til þess að hækka þá kílóa tölu þá þyrfti að smíða “fætur” á hliðina á piklernum sem er sniðugt til að auka stöðugleika og hækka þyngdartakmarkanir en gallinn við það er að börn geta rekið fæturnar í eða fellt sig á fótunum. Því var ákveðið að hafa þennan pikler án “fóta”. 

Piklerinn er gerður úr hágæða við frá sjálfbærum, FSC vottuðum skógum. Handgerður af litlu fjölskyldufyrirtæki á Írlandi. Sawdust and Rainbows plantar tré fyrir hvern pikler sem selst :)

Stærð: 

Opinn: 91cm á lengd x 77cm á breidd og 62 cm á hæð,

Lagður saman: 17 cm x 77 cm x 77 cm

við mælum með að fullorðnir séu ekki langt undan þegar börn eru að nota hann :) 

Ath að þar sem pikler þríhyrningarnir eru búnir til úr við þá er hver pikler ólíkur því viðarhreyfingar í þeim og litamynstur í viðnum eru ólík í hverjum og einum, brúnir skellir og lifandi munstur einkennir viðinn svo hver gripur er svo sannarlega einstakur og ber þess falleg merki.